Skuleelevar rydda sentrum

Publisert av Kristian Hus

11. mai 2016

Rydding-100516
(Foto: Mona Grønningen/Kvinnheringen)

Tradisjonen tru, har Husnes Vekst i samarbeid med ungdomsskulen og Storsenteret gjennomført sin årlege ryddedugnad i sentrum av regionsenteret i veka før 17. mai.

– Samarbeidet er veldig bra, og skulen med rektor Morten Vevatne i spissen, er svært positive til den årlege dugnaden, seier styreleiar Åsfrid Barstad.

Ho trur det også kan virka preventivt når elevane ved sjølvsyn oppdagar kor mykje bos det ligg rundt om, og at dei såleis vil tenkja seg om før dei kastar noko frå seg.

Bos har i mange år vore eit kjent problem på Husnes, både i grøftekantane langs hovudvegen, ved busskura og på stikkvegane ned til sentera ligg det mykje papir, plast og anna avfall og flyt. Tysdag tok elevar på 8.-, 9. og 10. trinn med seg hanskar og bossekker og fekk samla opp det meste.

Som takk for arbeidet får elevane nokre tusenlappar dei kan bruka til ulike aktivitetar.

(Frå Kvinnheringen)

Siste artiklar

Lenker for deg som er ny på Husnes

Lenker for deg som er ny på Husnes

Som nyinnflytta er det mange ting å setja seg inn i. I denne artikkelen har vi samla litt lenker som kan hjelpa deg litt på vegen.

Me treng ikkje gå til krig mot stordabuen

Me treng ikkje gå til krig mot stordabuen

Husnes Utvikling har sendt eit lesarbrev til avisene i regionen med eit forslag til korleis ein kan ordna med innkorting av ferjesambandet til Stord.

Merknad til arealdel

Merknad til arealdel

I vår sendte Kvinnherad kommune ut eit forslag til Kommuneplan Kvinnherad 2050- Arealdel på høyring. Her kan du lesa kva merknader Husnes Utvikling har sendt inn.