NAV har endeleg fått nye kontor på Husnes, etter at dei måtte flytta frå Aksen etter den omfattande vasslekkasjen der i mars 2015. No er den statlege tenesta flytta inn i dei nye kontormodulane på plassen nedanfor Panorama Senter.
– No er vi mykje meir tilgjengelege for brukarane våre, og vi har fått langt betre fasilitetar enn vi hadde, seier NAV-sjef Arild Berg til Kvinnheringen. Alle medarbeidarar har fått eigne kontor med datamaskin og telefon, vi har fleire møte- og samtalerom, lunsjrom og eit eige mottak med venterom. Det blir ei verd av forskjell, og ein betre kvardag for både dei tilsette og brukarane våre, seier Berg.
